個個對移民充滿幻想，之但係，近年不少移民港人大呻外國生活不如理想，一名移民加拿大的港女近日就毅然決定回流香港，坦言「無信心撐過一個冬天」。
該名移加港女在社交平台threads發文圍爐取暖，表示「如無意外應該決定返香港了，雖然本身對多倫多不滿，但到要諗係咪走嘅時候，都係會諗好多嘢，有冇都返咗香港／準備返香港嘅人一齊圍下爐？」。
樓主續指，回流並非因為金錢問題，而是為了身心靈健康，「唔係為咗錢，更多係為咗身心靈健康，嚟咗之後個人好內耗，好摺，無乜信心呢個狀態撐過1個冬天。返香港起碼有屋企人、朋友陪下」，她形容「對我嚟講，呢個決定仲難過當初決定過嚟」。
帖文引起網民熱議，不少人都支持樓主回流香港，「我上年8月去，今年2月返，真係生活唔到落去」、「明白你的感受，我過咗嚟加拿大三年幾，愈來愈i，做人信心都流失緊咁，又沒根的感覺，為細路過嚟，好想有日可離開這裡 」、「長遠會走，人工唔差，但呢度啲人做唔夾，我鍾公平、嚴謹，做事態度同透明度，但呢到好都係freestyle」、「下個月返香港，我覺得去定留好自己，係邊到生活得好啲、開心啲」。大家對此怎麽看？
发表于