阮民安卖贵价盘菜昆水鱼 网民：“cls成千蚊食啲咁嘅嘢”

杜嘉

农曆新年将至，“奀星”阮民安趁团年又卖人血贵价馒头，讲嘅就係卖盆菜喇。阮民安日前在社交平台宣佈，同“徐妈妈”合作搞盘菜，叫“手足们！唔该做嘢！！！”喎。不过，连登网民唔多BUY，揶揄“出返嚟几个月已经不停讲钱都仲有人信”、“唔讲金，唔通讲心？”、“冇钱点同马会交流”、“要赌嘛”、“唔众筹边有钱赌呀？”

阮民安在帖文大卖广告，贴出名为“徐遇而安”一家平安·龙年大盘菜的相片，指限量200盘，承惠港币$1099（4位用），运费另付。佢话会请埋“小朋友”帮手，等佢哋可以过年前搵返啲生活费，之后仲戴定头盔话“咁如果中间有多少甩漏，咁多位哥哥姐姐都可以俾下意见佢哋嘅～”。

有网民将帖文转发至连登讨论区，不少人留言嘲讽“cls成千蚊食d咁嘅嘢”、“Ｘ啲无脑黄丝水鱼啫”、“仲要人俾运费”、“隻曱甴次次都係用呢招，真係当人傻，演唱会又係一开卖就卖晒咁滞，搵人帮佢扫埋佢”。有网民直指，“认真好多人恃住自己‘黄’就好无礼貌，觉得人人都要就晒佢同埋无限包容佢地既错漏”。