港男移英后性情大变闹离婚欠巨债 友人：怕佢未到5+1已发生伦常惨剧

傲娇女子

不少大好家庭因移民问题破裂，话说有港人移英家庭的人妻，不惜放弃婚姻要回流返港，人夫在英另结新欢，大洒金钱与对方搞采购生意，最终负债累累下，要四围赇借度日，最近更情大变，疑神疑鬼地话惊个女畀啲英国人强奸，惊个仔返学畀人用刀插，其友人直言“怕佢未到5+1已经发生伦常惨剧”。

有移英港人在社交媒体上一个移英港人群组发帖，表示有一个相识家庭移英后，变得支离破碎，“以前住大埔中心，同一座识咗对夫妇佢哋有一对仔女，因锺意利物浦，所以间唔中出嚟睇波。 2019年修例风波，先知道原来嗰个老公劲黄，老婆因为屋企人在内地有生意，层楼仲要系老婆个名，老公喺佢老婆屋企人间公司做个普通文员，定期有粮出又唔忧柴忧米。”

楼主2021年与太太移民英国，该夫妇一直联络楼主问长问短、话想去曼彻斯特，最后2022年该夫妇决定移民，但不出三个月便闹离婚，“老婆好似唔多情愿，可能女家嗰边俾压力佢，不过最后全家都过咗 嚟，佢老婆好似帮佢拎晒啲MPF，两公婆帮仔女搵晒学校，佢老婆俾晒一年租，仲买咗架车，过咗三个月，仔女好钟意英国，但佢老婆顶唔顺，最后摆低咗200万，自己返咗香港，仲话不如离婚，虽然老公唔想离婚但又坚持要留系英国，个老婆话每个月寄1500镑俾佢地做生活费。”

楼主指，“因为老公无乜学历，只可以系度做仓，初时感受到呢度自由嘅国度，同一对仔女都生活几好。”不过，他原来做仓的时候识咗个华裔BC女人，过咗两个月就冇无做仓，拎咗啲钱同个华裔女人搞采购生意，对方更搬埋入屋住。

楼主其后发现对方出现异常，还急需借钱周转，“见佢FB开始奇奇怪怪，又话租紧嗰度有奇怪嘢，啲猫无拿拿吓亲弹起，又download啲apps话咩有个人型系墙角，仲 俾几千镑买啲水晶系屋企摆”、“一个星期之后佢打电话嚟，问我借800镑话架车撞花咗要赔钱俾人，仲话一个星期之后会还，我见有笔钱定期到咗谂住帮吓人，不过一个星期之后， 佢又话屋主追佢交租，因为生意周转唔切，问我借2000镑，仲话两个星期之后连本带利一次过还，又话两个仔女无屋住要瞓街好惨”，楼主见离乡别井一场街坊帮到就帮啦。

然而，两星期后，楼主得悉对方原来争落一身街数，“佢老婆whatsapp我叫我唔好借钱俾佢老公，佢老公周围问人借钱已经争落一身街数。 咁我即刻问佢老公有无得还之前借咗嗰啲，佢话仲想再借多1500镑，当然我呢铺就唔再借啦”，对方即刻反指系“佢老婆周围唱衰佢，等佢无钱全家训街，又话唔会再俾每个月生活费”。 不过，事实是“系街坊谷渐渐有人讲话借咗钱俾佢”。

之后，楼主已经开始疏远对方，“见佢FB开始一日到黑系度诅咒佢老婆”、“见佢FB又开始性情大变，可能见到英国近牌治安好差，就话英国好危险，又惊个女俾啲英国人强奸，惊个仔返学俾人用刀插，总之英国有乜唔好就一日到黑闹闹闹，我怕佢未到5+1已经发生伦常惨剧”、“佢可能唔想返香港惊俾人拉，但一身街数留系度应该连入借嘅钱都无”。