港鐵列車抵站前播放提示廣播「請小心月台空隙」。有網民日前發文表示目擊一宗驚險意外，一名婆婆因「叉錯腳」右腳小腿夾在列車與月台之間罅隙，有港鐵職員隨即到場協助事主脫困。
該網民在社交平台threads以「香港hk」為題上載短片發帖，指事發於調景嶺站，片中見到一名穿黑褲的乘客懷疑叉錯腳，右腳意外踏空，插入月台與車廂之間僅約數吋闊罅隙動彈不得，3名職員與數名乘客嘗試協助事主脫困，並不時提醒「慢慢」以安撫事主情緒。
帖文引起網民熱議，「上半身都無埋」、「畀個女人遮住咗 」、「首先係點樣攝落去」、「真心想知點做到？生活咗20年都未見過咁樣」、「點解唔係消防員救援嘅？ 」、「真心未見過，最多bb車kick住個轆」。
另有網民分享相同經歷，「好多年前真心試過，有次架車開住門，我離遠聽佢嘟完咗好耐都未關門，我等朋友行到嚟先入。突然間ssiiii一聲關門！！！，真係突然，嚇到我一隻腳直插咗入去空隙，插到大脾位（個情況係右腳蹲喺月台，左腳直插無水花sip去到大脾）嗰下係車門＋閘門一齊關，好彩最後夾到我彈返開（可能我人夠厚）。
該網民續指，「如果道門壞＋開車，我就破開兩邊變肉醬啦，最後我朋友拿拿臨扯返我上返嚟，我呆咗咁笑，因為隻拖鞋好勁！無！甩！到！！！上到嚟，大脾外側瘀到光酥餅咁大，內側就係個排狗牙膠嘅一排刮痕，好痛！瘀咗成個月！」。
大家对此有什么看法呢？
发表于